Madaxweynaha dowladda KMG ee Soomaaliya sheikh Shariif Sheekh Axmed ayaa isbuuca soo aadan wadahadalo looga hadlayo arimaha Soomaaliya u tagaya Wadanka Kuwait.

 

Sida saakay lagu qoray mid ka mid ah wargeysyada ka soo baxa dalka Kuwait madaxweynaha dowladda KMG ee Soomaaliya sheikh Shariif Sheekh Axmed iyo wafdi uu hogaaminyo ayaa maalinta Axad ee inagu soo aadan waxaa ay tagi doonaan Magaalada Kuwait ee Caasimadda wadanka Kuwait si halkaasi ay kulamo uga soo qaataan Masuuliyiinta dalkaasi oo uu ku jiro amiirka dalka Kuwait waxaana booqashadaasi ay qaadan doontaa mudo labo maalmood ah sida uu wargeysku sheegay.

 

Dib lumaasiyiin ka soo jeeda wadanka Kuwait ayaa waxaa ay sheegayaan in madaxweynaha dowladda KMG ee Soomaaliya Sheekh Shariif Aheekh Axmed uu u gudbin doono madaxda dalkaasi hormarkii ugu dambeeyay ee madaxweynuhu uu ka garay dhanka siyaasadda sida ay wargeysyadu sheegeen.

 

Madaxweynaha iyo wafdigiisa ayaa haatan waxa ay ku suganyihiin Magaalada Kampala ee caasimadda wadanka Uganda halkaasi oo madaxweynaha ay kulamo kula qaadan doonaan madax ka tirsan wadanka Uganda.